डाकाद्वारा दुई बिद्यार्थीको हत्या

२६ जनवरी, ०८ । सशस्त्र डाकाको समूहले जनता बहुमुखी क्याम्पस कक्षा ११ मा अध्ययनरत योगेन्द्र कोइराला र प्रकाश भट्टराईको निर्ममतापूर्वक हत्या गरेको विरोधमा राजमार्गमा विद्यार्थीले यातायात ठप्प पारेका छन् । गएराति इटहरी ५ पचरुखीमा हतियारधारी डाकाहरुले घरमा भात पकाउन लागेका योगेन्द्र र प्रकाशलाई खुकुरी र कैचीले पेट टाउको तथा शरीरको विभिन्न ठाउँमा काटेर हत्या गरेका थिए । हत्यामा संलग्न ७ जना मध्ये सुनसरी पकली ३ का सलिम मिया, मोरङ्ग बनिगामाका सम्शेर मियाँ, सदिर मियालाई स्थानीय जनताको सहयोगमा प्रहरीले राति नै नियन्त्रणमा लिएको इलाका प्रहरी कार्यालय इटहरीले जनाएको छ । विद्यार्थी हत्याको विरोधमा विहानैदेखि महेन्द्र राजमार्ग खण्डको पचरुखी पकली खण्डमा टायर बालेर यातायात ठप्प पारेका कारण सयौं सवारी साधन इटहरी क्षेत्रमा अलपत्र परेका छन् ।