कांग्रेसले पनि प्रत्येक बुथमा एकसय युवा पठाउने

२९ जनवरी, ०८ । वाईसिएलले हरेक वुथमा दुईसय वाईसिएल परिचालन गर्ने घोषणा गरेलगत्तै नेपाली कांग्रेसले पनि 'तरुण-युवा' परिचालन गर्ने घोषणा गरेको छ ।नेपाली कांग्रेसले सोमबार एक विज्ञप्ति जारी गरी संविधानसभा चुनावको हरेक वुथमा एकसय युवा तरुण परिचालन गर्ने वताएको हो । यसका लागि पार्टी केन्द्रीय कार्यालयले हरेक जिल्ला समितिलाइ फागुन दशगतेभित्र नामावली पठाउन निर्देशन समेत दिएको वताइएको छ । प्राप्त नामावली मध्येवाट फागुन १५ गतेभित्र छनौट गरि सकिने विज्ञप्तीमा उल्लेख छ । यता नेपाली कांग्रेसले माघ १६ गतेदेखि मसान्तसम्म हरेक जिल्लामा आमसभा आयोजना गर्ने भएको छ ।