निर्वाचन भव्यरुपमा सफल पार्ने उद्देश्यले पैदल यात्रा

भद्रपुर, १६ माघ । संविधानसभाको निर्वाचन भव्यरुपमा सफल पार्ने उद्देश्यले जनमोर्चा नेपालले झापामा चार दिने पैदल यात्रा सुरु गरेको छ । 'राष्ट्र बनाआँ, जनआन्दोलनको लक्ष्य पूरा गरौं' भन्ने मूल नाराका साथ चन्द्रगढीबाट हिजो सुरु गरिएको पैदल यात्रा माघ १८ गते गौरीगन्जमा समापन गरिने बताएको छ । सो अवसरमा जनमोर्चाका मेची संयोजक गणेश बुढाथोकी, एमालेका पुष्प पोखरेल, माओवादीका प्रशान्त, जनमोर्चाका केन्द्रीय सदस्य ज्योतिसिह दर्लामी, आदिवासी जनजाति महासङका केन्द्रीय सदस्य लक्ष्मी गुरुङ, महिला नेत्री तारा न्यौपाने, अस्पताल विकास समितिका अध्यक्ष नारायण उप्रेतीलगायतका वक्ताहरुले संविधानसभाको निर्वाचनलाई सफल बनाउनका लागि एकजुट भएर जनतामाझ पुग्नुपर्ने धारणा प्रकट गर्नुभयो ।