तोड्फोडपछि रोजगार मेला स्थगित

१२ जनवरी, ०८ । आजदेखि राजधानीमा शुरु भएको अन्तर्राष्ट्रिय रोजगार मेला युवाहरुले तोडफोड गरेपछि स्थगित भएको छ । राजधानीको अन्तर्राष्ट्रिय सम्मेलन केन्द्रमा शुरु भएको मेलामा १०० रुपैयाँको टिकट लिई भित्र छिरेका केहि युवालाई अन्तरवार्ताको क्रममा थप तालिमको लागि ५०,००० रुपैयाँ लाग्ने बताएपछि आक्रोशित युवाहरुले तोडफोड शुरु गरेका थिए । आक्रोशित युवाहरुले अयोजना स्थलमा तोड्फोड र ढुंगामुढा गरेका छन् । केही स्टलहरु क्षतिग्रस्त भएका छन् भने आयोजकहरु स्टलवाट भागेका छन् । प्रहरीले भीड नियन्त्रण गर्ने प्रयास गरेपनि आज वानेश्वरक्षेत्र दिनभरी नै तनावग्रस्त बनेको छ । यसैगरी झुठा प्रचार गरेको भन्दै केहि युवाहरुले कान्तिपुर पब्लीकेशनको कार्यालयमासमेत आक्रमणको प्रयास गरेका थिए ।