गाडिएको अबस्थामा तीन शब भेटिए

२४ जनवरी, ०८ । सिराहाको कमला नदी किनारमा गाडिएको अवस्थामा तीनवटा मृत शरिर फेला परेका छन् । चिकना गाबिस अन्तर्गतको निर्दना टोलस्थित कमला नदीको किनारमा गाडिएको अबस्थामा स्थानीयबासीहरुले मंगलबार साँझ फेला पारेका हुन् ।ती शव बिष्णपुर प्र.रा.४ डडौल बस्ने रामनारायण यादबको १८ बर्षीय छोरा गुगली भनिने सत्यनारायण यादब, सोही स्थान बस्ने १८ बर्षीय नेमकुमार भनिने प्रेमचन्द्र ठाकुर र १९ बर्षीय रामएकबाल यादबको रहेको स्थानीयबासीको भनाई उद्धृत गर्दै जिल्ला प्रहरी कार्यालय सिराहाले जनाएको छ ।मृत अबस्थामा फेला परेका तीनै जनालाई अज्ञात समुहले माघ ६ गते राति चिकना गाबिसस्थित निर्दना टोलबाट अपहरण गरि हत्या गरेको हुनसक्ने अनुमान स्थानीयबासीले गरेका छन् । पोष्टमार्टमका लागी तीनै शवलाइ मंगलबार राति नै सिराहास्थित अस्पतालमा लगिएको छ