तराई-मधेस लोकतान्त्रिक पार्टीले अब कर रोक्का गर्ने

२० जनवरी, ०८ । तराई मधेस लोकतान्त्रिक पार्टीले मधेशका समस्या संबोधन नभएको भन्दै माघ २९ गतेसम्म देशभर बिरोध ्सभा गर्ने र फागुन १ गतेदेखि सरकारलाई असहयोग आन्दोलन गर्ने जसमा राजस्व, कर र अन्न रोक्ने घोषणा समेत गरेको छ । अवदेखि तराईमा उठेका सम्पूर्ण राजश्वहरु रोक्का गर्ने सो पार्टीका केन्द्रीय अध्यक्ष महन्त ठाकुरले वताउनुभएको हो। शनिबार तराई मधेश लोकतान्त्रिक पार्टीद्वारा जनकपुरमा आयोजित संकल्प सभामा तराईका समस्याहरु दुई चार सिडीओ र प्रशासन बढुवा गर्दा समाप्त नहुने भन्नु हुदैं मधेशका जायज माग पुरा नहुन्जेल सविधान सभाको चुनावमा भाग नलिने अडान पनि उहांले दोहोराउनुभयो ।मधेशी समस्या भनेको मधेशमा रहेका दलीत, जनजाती, आदीवासी सबैको सहभागिता हरेक अंगमा पूर्ण समाबेशी हुनु पर्छ भन्दै उहाले अनिमात्र संविधान सभाको औचित्य पुरा हुने प्रष्टाउनु भयो । आफुलाई मन्त्री पदको लोभ नभई मधेशी जनतालाई अधिकार सम्पन बनाउन मात्र लोभ भएकोले राजिनामा दिएर आन्दोलित हुन आएको वताउनुभयो ।कार्यक्रममा अहिलेको आन्दोलन खुद्रामा नभई होलसेलमा भैरहेको भन्दै केन्द्रीय नेता हृदयश त्रिपाठीले वर्तमान अवस्थामा सरकारले मधेश को अधिकार उधारो राख्न खोजेको तर तराई एवं मधेशका जनतालाई नगदमा चाहिएको प्रष्टाउनु भयो ।सत्ताधारीले मधेसका मागहरुलाई वास्ता नगरी संविधान सभाको चुनावपछि समस्या समधान हुने भ्रम पैदा गरेको आरोप पनि उहांको थियो ।सांसदहरुलाई दश लाख रुपैया दिई मधेशी जनतालाई किन्न खोजेको आरोप लगाउदै मधेशी जनतालाई यो निर्णायक आन्दोलनमा एकत्रित भई अघि बढन उहाले आग्रह समेत गर्नुभयो ।९३ हजार नेपाली सेनामा ८ सय ५२ मात्र मधेशी सेना रहेकोले कुन रुपमा मधेशी सभागीता भएको छ भने सरकार संग प्रश्न गर्नु भयो । वर्तमान परस्थितिमा पहाडमा जन्मेका खगेन्द्र संग्रोला,पदम रत्न तुलाधरले मधेसलाइ साथ दिएको तर मधेशमा जन्मेका नेताहरुले मधेश लाई भजाउन खोजेको आरोप लगाउनु भयो । जनतालाई चार अक्षरका अधिकार, सम्मान र स्वभिमान मात्र चाहिएको भन्दै उहांले त्यो दिन पनि कन्ज्युस्यांइ गरिएको भनाई राख्नुभयो ।