कुनैपनि हालतमा चुनाव गर्ने नदिने

मधेशी जनअधिकार फोरम भाग्यनाथ गुप्ता समूहले सरकारले चैत २८ गते गर्ने गरी घोषणा गरेको संविधानसभा निर्वाचन कुनै पनि हालतमा हुन नसक्ने ठहर गरेको छ।
वीरगञ्जमा शुक्रबार अबेर सम्पन्न पार्टीको केन्द्रीय कार्यासमिति बैठकले आन्दोलनरत पक्षको माग सम्बोधन नगरी चुनावको मिति तोकिनु सरकारको अकर्मण्यता र अदूरदर्शिता भएको टिप्पणी गरेको छ।
समूहका उपाध्यक्ष किशोरकुमार विश्वासले सात दलीय सरकारलाई संविधानसभा निर्वाचनको मिति घोषणा गर्ने राजनीतिक र संवैधानिक अधिकार नभएको टिप्पणीसमेत गरेका छन् ।
यथास्थितिमा तराईमा संघर्षरत समूहलाई शान्तिपूर्ण राजनीतिमा समावेश नगराई चुनावको वातावरण नबन्ने उहाँले दावी गर्नुभयो । उहाँले सरकारका तर्फबाट भएको हठात् निर्णय आफूहरुलाई मान्य नहुने भन्दै निर्वाचन गर्न नदिने चेतावनीसमेत दिनुभएको छ।