मधेसका बाँकी माग चुनावपछिपूरा हुने

विराटनगर, पुस २३ गते । शान्ति तथा पुनःनिर्माणमन्त्री रामचन्द्र पौडेलले आदिवासी जनजाति तथा मधेसीका कतिपय माग सरकारले सम्बोधन गरिसकेको र बाँकी रहेको माग संविधानसभा निर्वाचनपछि पूरा हुने बताउनुभएको छ । नेपाल प्रेस युनियन मोरङद्वारा सोमबार यहाँ आयोजित पत्रकार भेटघाट कार्यक्रममा मन्त्री पौडेलले अहिलेका लागि सरकारको प्रमुख कार्यसूची चैत महिनामा निर्वाचन गराउनु हो भन्नुभयो ।मन्त्री पौडेलले समानुपातिक प्रतिनिधित्वका लागि राज्यका हरेक अङ्गमा मधेसी समुदायलाई समावेश गराउन सरकारले निजामती ऐन संशोधन गरेको जानकारी दिनुभयो । उहाँले सेना तथा प्रहरीमा समेत आदिवासी, जनजाति र दलितलाई प्राथमिकताका साथ समावेश गरिने पनि बताउनुभयो । मन्त्री पौडेलले तर्राईका सशस्त्र आन्दोलनरत पक्षलाई वार्तामा आउनसमेत आग्रह गर्नुभयो । "तर समस्या समाधानका लागि संयुक्त राष्ट्रस‹को मध्यस्थता आवश्यक छैन", उहाँले भन्नुभयो । उहाँले समस्या सुल्झाउन सशस्त्र समूह नै वार्ता गर्न अग्रसर भएर आउनुपर्ने बताउनुभयो ।यसैबीच हाम्रा धरान समाचारदाताका अनुसार मन्त्री पौडेलले जनताको प्रत्यक्ष शासन स्थापनाका लागि जनपक्षीय शक्तिहरू एक हुनुपर्ने बताउनुभएको छ । सोमबार नेपाली काङ्ग्रेस सुनसरी क्षेत्र नं. १ द्वारा धरानमा आयोजित कार्यकर्ता भेटघाट कार्यक्रममा मन्त्री पौडेेलले जनपक्षीय शक्तिहरूको एकता नै वर्तमानको राजनीतिक निकासको प्रमुख मार्ग हुनसक्छ भन्नुभयो ।नेकपा (माओवादी)ले लोकतन्त्रको र्समर्थन गर्दै नेपाली काङ्ग्रेसलगायतका दलसँग एकता गरी जनआन्दोलनमा भाग लिएकाले नै जनआन्दोलन भाग-२ सफल भएको र यो राजनीतिक शक्तिहरूको एकताले नै राजनीतिक उपलब्धि हासिल हुन्छ भन्ने एउटा उदाहरण भएको बताउनुभयो । उहाँले नेपाली काङ्ग्रेसभित्रको एउटा समूहमा अझै राजाप्रति आशक्ति कायम रहेकोसमेत जानकारी दिनुभयो । "यसले पार्टर्ीीई मात्र होइन, सिङ्गो राष्ट्रको शान्ति र संविधानसभा उन्मुख भविष्यलाई नै सखाप पार्नसक्ने भएकाले नेपाली काङ्ग्रेसका सबै जिम्मेवार कार्यकर्ता राजतन्त्रको भ्रमबाट मुक्त हुन अनिवार्य छ", मन्त्री पौडेलले भन्नुभयो ।यसैबीच सोमबारै बीबीसी नेपाली सेवाको कार्यक्रम 'साझा सवाल'को धरान विशेष कार्यक्रमका लागि पत्रकार तथा र्सवसाधारणले सोधेका प्रश्नको उत्तर दिँदै मन्त्री पौडेलले जातीय, क्षेत्रीय, ऐतिहासिक पृष्ठभूमि अथवा कुन आधारमा राज्यको पुनःसंरचना गर्ने भन्नेबारे विशेषज्ञ छलफल तथा भेला गरेर निक्र्योल निकालिने बताउनुभयो । यसैबीच राससका अनुसार नेपाली काङ्रग्रेसका उपसभापति एवं शान्ति तथा पुनःनिर्माणमन्त्री रामचन्द्र पौडेलले नेपाली काङ्ग्रेस नेपाली जनता र कार्यकर्ताहरूको भावनाअनुरूप चल्ने बताउनुभएको छ । उहाँले सोमबार धनकुटामा नेकाका नेता तथा कार्यकर्ताहरूको भेटघाट कार्यक्रममा चैत मसान्तभित्रमा संविधानसभाको निर्वाचन जसरी भए पनि हुने भएकाले काङ्ग्रेसका नेता तथा कार्यकर्ताहरूलाई निर्वाचन अभियान लिएर गाउँगाउँ जान आग्रह गर्नुभयो । संविधानसभाको निर्वाचन हुन नदिन केही तìव लागिपरेको बताउँदै श्री पौडेलले त्यस्ता तìवहरूविरुद्ध सम्पर्ूण्ा लोकतान्त्रिक शक्ति एक भई संविधानसभाको निर्वाचन सफल बनाउनुपर्नेमा जोड दिनुभयो । नेपाली काङ्ग्रेस संविधानसभाको निर्वाचनपछि वैधानिक किसिमबाटै सङ्घीय लोकतान्त्रिक गणतन्त्र स्थापना गर्न क्रियाशील रहेकाले संविधानसभाको निर्वाचन सफल पार्नका लागि सबैलाई सहयोग गर्न आग्रह गर्दै उपसभापति पौडेलले संविधानसभाको विकल्प नरहेको बताउनुभयो । त्यस अवसरमा नेपाली काङ्ग्रेस राज्य पुनःसंरचना समितिका केन्द्रीय सदस्य आनन्दसन्तोषी र्राईले संविधानसभाको निर्वाचनपछि मात्र आदिवासी, जनजाति, मधेसी, महिला, दलितलगायत सबै वर्ग, क्षेत्र र समुदायको अधिकार सुनिश्चित हुने बताउनुभयो । नेपाली काङ्ग्रेस धनकुटाका सभापति मनोहरनारायण श्रेष्ठले नेपाली काङ्ग्रेस संविधानसभाको निर्वाचनमा सङ्घीय लोकतान्त्रिक गणतन्त्रलाई मुख्य एजेन्डा बनाएर क्रियाशील भएको बताउनुभयो ।