जनमोर्चा नेपाल र माओवादी एक हुने संभावना

१ फेब्रुअरी, ०८ । फरक पार्टी रहे पनि माओवादीको वकालत गर्दै आएका एकताकेन्द्र मसाल र त्यसको खुला संगठन जनमोर्चाका नेताहरू माओवादीमा प्रवेश गर्ने भएका छन् । सार्वजनिक सभा-समारोहमा माओवादीकै भाषा बोलिरहने अमिक शेरचन, लीलामणि पोखरेल, गिरिराजमणि पोखरेल, घनश्याम शर्मा पौडेलका साथै भूमिगत शैलीमा उनीहरूकै सेवा गर्ने नारायणकाजी श्रेष्ठ (प्रकाश) समेत माओवादीमा मिसिदै छन् । माओवादीमै विलयका लागि नेकपा (एकताकेन्द्र) आतुर देखिएको बताईन्छ । 'नेकपा एकताकेन्द्रले पार्टी एकताको निर्णय गरिसकेको छ । हामीले विचार गरिरहेका छौ“'- नेकपा (माओवादी) का केन्द्रीय सचिवालय सदस्य एवम् माओवादीका तर्फबाट पार्टी एकता कार्यदलका सदस्य वर्षमान पुन (अनन्त) ले भन्नुभयो । आफ्नो पार्टीको पृथक् सिद्धान्त र नीति केही नभएपछि सधैभरि माओवादीकै वकालत गर्ने बानी लागेको एकताकेन्द्रका नेताहरू संविधानसभाको चुनावलाई मध्यनजर गरेर माओवादीमै मिसिन लागेका हुन् । चुनावमा कसरी जाने भन्ने विषयमा नै अप्ठ्यारो देखेपछि पार्टी एकताका लागि एकताकेन्द्रले महासचिव नारायणकाजी श्रेष्ठ (प्रकाश) लाई वातावरण मिलाउने जिम्मेवारी दिएको छ । 'पार्टी एकताको सम्भावना छ । अब २२-२३ गते बस्ने पार्टीको बैठकले यस विषयमा ठोस निर्णय गर्नेछ'- जनमोर्चा नेपालका महासचिव घनश्याम शर्मा पौडेलले भन्नुभयो । जनमोर्चाले पार्टी एकताका लागि लीलामणि पोखरेलको संयोजकत्वमा समिति नै गठन गरेको छ । माओवादीको हालै सम्पन्न केन्द्रीय कमिटीको बैठकले दुवै पार्टीग एकता गरिहाल्नुपर्ने निर्णय निकालेको छ । गएको कात्तिकमा जनमोर्चा नेपालले गठन गरेको पार्टी एकता समितिले निरन्तर रूपमा औपचारिक छलफल गरिरहेको महासचिव पौडेलले बताउनुभयो । पार्टीसदस्यहरू सकिदै गएपछि एकता नगरी नहुने अवस्थामा पुगेको एकताकेन्द्र जनमोर्चाले पदमा बार्गेनिङ गरेपछि एकतामा ढिलाइ भइरहेको माओवादीले बताएको छ । माओवादीले पार्टी एकताका लागि मोहन वैद्य (किरण), दीनानाथ शर्मा र वर्षान पुन (अनन्त) रहेको वार्ता समिति गठन गरेको छ ।