रक्तचन्दन चामलको बोरामुनि

काठमाडौँ, १७ पुस । राजधानीको मैतीदेवीबाट प्रहरीले हिजो राति ठूलो परिमाणमा रक्तचन्दन बरामद गरेको छ । मैतीदेवीस्थित राधादेवी सुनुवारको घरमा करिब १५ टन रक्तचन्दन चामलको बोरामुनि लुकाई राखेको भन्ने सुराकीको आधारमा सो घरमा खानतलासी गर्दा प्रहरीले उक्त रक्तचन्दन फेला पारेको हो । सो रक्तचन्दन राजधानीमा बरामद गरिएको हालसम्मकै ठूलो परिमाणको रहेको बताइएको छ । घरधनी राधादेवी हाल फरार रहे पनि घटनास्थलबाट डोल्मा नामकी एक तिब्बती युवतीलाई प्रहरीले पक्राउ गरेको छ । प्रहरीले आज सो रक्तचन्दन मुचुल्का गरी जिल्ला वन कार्यालय, काठमाडौँलाई बुझाएको कमलपोखरी प्रहरी बिटले जनाएको छ ।