विदेश हिंडेकाको होटलमै मृत्यु

काठमाडौं, माघ ५ - बैदेशिक रोजगारका लागि झापाबाट आएका एक युवक राजधानीको गोंगबुस्थित रिगोल्ड पोखरा गेस्ट हाउसमा मृत फेला परेका छन् ।
मृत्युको ५ दिनपछि शुक्रबार मात्र जानकारी पाएका आफन्तले होटल सञ्चालक र प्रहरीको मिलेमतोमा हत्या भएको आरोप लगाएका छन् । प्रहरीले अत्यधिक मदिरा सेवनपछि आत्महत्या गरेको जनाएको छ ।
दर्ुबई रोजगारका लागि हिंडेका झापा, सतासीधाम -४ झिलझिलेका ३२ वषर्ीय प्रकाशचन्द्र सापकोटा गत सोमबार उक्त होटलमा बसेका थिए । त्यसै रात प्रहरीको गस्ती टोलीले होटलको भुइ“तलामा सापकोटालाई मृत फेला पारेको हो । प्रहरीका अनुसार उनको मुखबाट रगत बगेको भए पनि अन्य भागमा चोट छैन ।
आफन्तले सापकोटास“ग करिब २० हजार रुपैया“, सुनको सिक्री, विदेश जाने कपडा र टेलिफोन डायरी हुनुपर्ने दाबी गरे पनि प्रहरीले केही फेला नपरेको बताएको छ । 'सर्म्पर्क गर्ने कुनै आधार नभेटिएकाले आफन्तलाई खबर गर्न सकेनांै,' महाराजगन्ज बृतका अनुसन्धान अधिकृत रविन्द्र रेग्मीले भने, 'यसले अनुसन्धानमासमेत बाधा पुग्यो ।' उनले पोस्टमार्टमको रिपोर्ट आएपछिमात्रै मृत्युको प्रकृतिबारे किटान गर्न सकिने बताए । शिक्षण अस्पतालले आइतबार पोस्टमार्टम रिपोर्ट दिने भएको छ ।
रेग्मीका अनुसार सापकोटाले गेस्ट हाउसमा सविन निरौला, पा“चथर भनेर गलत नाम, ठेगाना लेखाएका छन् । उनीस“गै होटलले उपलब्ध गराएकी महिला पनि सुतेकी थिइन् । 'म बिरामी भएकाले एकै छिनमा निदाइहाले,' उनले भनिन्- 'राति प्रहरी आएर ढोका खोल्न कराउ“दा मात्रै उनी -सापकोटा) नभएको थाहा पाए“ ।' प्रहरीले ती महिला र होटल व्यवस्थापकलाई हिरासतमा लिएको छ ।