छापा मार्नु स्वभाविक होः सुजाता

७ फेब्रुअरी, ०८ । विना विभागिय मन्त्री एवं प्रधानमन्त्री पुत्री सुजाता कोइरालाले प्रहरीले वाईसिएल अखडामाथि छापा मार्नु स्वाभाविक भएको वताएकी छन् । माओवादी अध्यक्ष प्रचण्डले सुजाताकै इशारामा छापा मारिएको दावी गरिरहेका वेला मन्त्री कोइरालाले वाईसिएल अपराधिक क्रियाकलापमा संलग्न भएकाले छापा मार्नु स्वभाविक भएको वताएकी हुन् ।आज विराटनगर विमानस्थलमा पत्रकारसंग कुरा गर्दै मन्त्री कोइरालाले वाईसिएलभित्र अपराधीहरुको घुसपैठ भएको आशंका ब्यक्त गरिन् । गृहमन्त्रालयको निर्देशनमा प्रहरीले छापा मारेको भन्दै कोइरालाले प्रचण्डको अभिब्यक्तिप्रति आफुलाइ कुनै चासो नभएको समेत उल्लेख गरिन् । यसअघि माओवादी अध्यक्ष प्रचण्डले सुजाताकै निर्देशनमा वाईसिएल कार्यालयमाथि छापा मारेको आरोप लगाएका थिए भने अर्का नेता सीपी गजुरेलले प्रहरी प्रशासन गृहमन्त्रीको आदेश मान्न छाडेर सुजाताको आदेश मान्न थालेको आरोप लगाएका थिए ।