प्रहरीसंगको भिडन्तमा ज्वालासिंहका दुई कार्यकर्ताको मृत्यु

८ फेब्रुअरी ०८ । सप्तरीको बेल्ही चपेना गाविस प्रिरामा गएराति प्रहरीसंगको भिडन्तमा तराई जनतान्त्रिक मोर्चा ज्वालासिंह समुहका दुई कार्यकर्ताको ज्यान गएको छ । गस्तीमा रहेको प्रहरी टोलीमाथि मोर्चाका कार्यकर्ताले आक्रमण गरेपछि गोली हानाहान भएको प्रहरीले जनाएको छ । ज्यान गुमाएका कार्यकर्ताहरु पार्टी शेरसिंह नाम भएका चन्द्रशेखर कामत र पार्टी रन्जित नाम भएका राजकुमार मण्डलसंग रहेको कागजपत्र भेटिएको प्रहरी उपरिक्षक विक्रमसिंह थापाले बताउनुभयो । दुवैको लासलाई पोस्टमार्टम गर्न सगरमाथा अन्चल अस्पताल राजविराजमा राखिएको छ । यस्तै रुपन्देहीको बेल्हीया नजिकै बनाईदै गरेको सुख्खा बन्दरगाहको क्याटिनका संचालक सहित दुईजनाको गएराती हत्या भएको छ ।