मुलुकभरका विद्यालय आजपनि वन्द

७ फेब्रुअरी, ०८ । शैक्षिक गणतान्त्रिक मञ्चले आह्वान गरेको तीनदिने हडतालको दोस्रो दिन आजपनि देशभरका विद्यालयमा पठन पाठन ठप्प छ ।अघिल्लो वर्ष सरकार र शैक्षिक गणतान्त्रिक मञ्चवीच भएका सहमति पालना नभएको भन्दै मञ्चले वन्दको आह्वान गरेको हो । एसएलसीको मुखमा वन्द गर्दा विद्यार्थीलाई प्रत्यक्ष असर परेको भन्दै सात राजनीतिक दल, अभिवाबक र विद्यालय संचालकले वन्द फिर्ता लिन आग्रह गरेपनि मञ्चले अस्वीकार गरेको छ । निजी विद्यालयका शिक्षकलाई सरकारी सरह तलव सुविधा दिनुपर्ने, स्थायी नियुक्ति हुनुपर्ने लगायतका माग पुरा नभए अनिश्चीत कालका लागि विद्यालय वन्द गर्ने मञ्चले चेतावनी दिएको छ ।