दुई करोड गोष्ठी र तालिममा सकियो

द्वन्द्वपीडितले राहत र उपचार पनि नपाएको भनेर गुनासो गरिरहेका बेला शान्ति तथा पुनर्निर्माण मन्त्रालयले गोष्ठी र तालिमका नाममा मात्र दुइ करोड रुपैया खर्च गर्ने भएको छ । मन्त्रालयले तयार गरेको कार्यक्रम सञ्चालन गर्न राष्ट्रिय योजना आयोगले समेत स्वीकृति दिइसकेको छ ।
यस कार्यक्रममा सद्भाव यात्राका लागि १४ लाख रुपैया� छुट्याइएको छ । त्यस्तै, १० लाख ५० हजार रुपैया खर्चेर सद्भावना गोष्ठी गर्ने कार्यक्रम छ । सद्भावना सामुदायिक कार्यक्रमका लागि १० लाख ५० हजार र सद्भावना युवा संसाधन कार्यक्रमलाई १४ लाख रुपैया� छुट्याइएको छ । शान्ति, सद्भाव र एकता अभियानको नाममा ७४ लाख रुपैया खर्च गर्ने गरी बजेट विनियोजन गरिएको छ । द्वन्द्वपीडित नागरिकलाई सहयोग गर्न छुट्याइएको ३३ लाख रुपैया पनि तालिम, सहजीवन र सूचना प्रणालीको स्थापनामा खर्च हुने भएको छ ।
शान्ति, सद्भाव तथा एकता अभियानका लागि सञ्चालन गर्न खर्च हुने सबै रकम नेपाल सरकारले व्यहोर्ने छ । शान्ति तथा पुनर्निर्माण मन्त्रालयका सचिव माधव घिमिरेले सो कार्यक्रम सुरु भइसकेको बताएका छन् । 'समाजमा शान्ति, सद्भाव कायम गर्न अभियान सुरु भएको हो,' घिमिरेले आइतबार सा�झ नया� पत्रिकासित भने ।
२७ मंसिरमा मन्त्रालयमा बसेको शान्ति तथा पुनर्निर्माण परामर्श समितिको बैठकले कार्यक्रमको अवधारणा पास गरेको हो । योजना आयोगबाट समेत स्वीकृत भएको सो कार्यक्रम तालिम र गोष्ठीमा मात्र सीमित छ । परियोजनामा ३० लाख रुपैया प्रशासनिक खर्चका लागि मात्र छुट्याइएको छ, अनुगमनका लागि मात्र पाच लाख रुपैया छुट्याइएको छ ।