चार पार्टीले उमेदवारी पेश गरे

निर्वाचन आयोगमा चार साना दलले दिउँसो १ बजेसम्म उमेदवारको नाम पेश गरेका छन् । 
८ फाल्गुण २०६४ १३:१३ मा पोष्ट गरिएको
प्रिन्ट ईमेल सम्पादकलाई चिट्ठी अक्षरको आकार:
संविधानसभा चुनावका लागि उमेदवारको बन्द सूची पेश गर्नुपर्ने दिन आज फागुन ८ गते दिउँसो १ बजेसम्म चार दलले उमेदवारको नाम पेश गरेका छन् । उमेदवारी पेश गर्ने दलमा नेपाल राष्ट्रिय बिकाश पार्टी, मुस्कान सेना नेपाल पार्टी, समाजवादी प्रजातान्त्रिक जनता पार्टी, नेपाल जनभावना पार्टी छन्। बिकाश पार्टीले ४०, मुस्कान सेनाले ७६, समाजवादीले १२९ र जनभावनाले ४९ उमेदवारको नाम पेश गरेको निर्वाचन आयोगले पुष्टि गरेको छ । केही साना दल उमेदवारको नाम पेश गर्न अहिले आयोग परिशरमै तयारी गरिरहेका छन् । आज समानुपातिकतर्फको उमेदवारी पेश गर्ने कार्यक्रम निर्धारित छ ।
एमालेले जुलुशसहित उमेदवारको नाम पेश गर्न कार्यकर्तालाई रत्नपार्कमा दिउँसो १ बजे बोलाएको छ । एमाले कार्यकर्ता रत्नपार्कमा भेला भइरहेका छन् । रत्नपार्कमै चित्रबहादुर केसीको राष्ट्रिय जनमोर्चाका कार्यकर्ता पनि उमेदवारको नाम पेश गर्न जुलुशको तयारी गरिरहेका छन् ।
फागुन ७ गते नेपाली कांग्रेस, एमाले र माओवादी नेताहरुको बैठकले एक मधेश एक प्रदेशको माग अस्विकार गर्ने, आत्मानिर्णयको माग पनि अस्विकार गर्ने तथा चुनावी कार्यक्रम नर्सार्ने निर्णय गरेको श्रोतहरु बताउछन् । श्रोतका अनुसार, आन्दोलनरत मधेशी संगठनहरुलाइं चुनावमा सहभागि गराउन समानुपातिकतर्फको मनोनयनका लागि २ वा ३ दिन थप्न सक्ने पनि हिजोको बैठकले निर्णय गरेको थियो ।
हिमालखबर डट कम