ज्वालासिंह समूहद्वारा श्रृङ्खलावद्ध बम विस्फोट

गौशाला, २२ माघ । तर्राईमा सशस्त्र आन्दोलरत जनतान्त्रिक तर्राई मुक्तिमोर्चा -ज्वालासिंह समूहद्वारा गएराति महोत्तरी जिल्ला सदरमुकाम जलेश्वरका विभिन्न पाँच स्थानमा श्रृङ्खलावद्ध बम विस्फोट गराइएको छ । नेपाली काङ्ग्रेस, महोत्तरीको आयोजनामा आज जलेश्वरमा हुने आमसभालाई लक्ष्यित गरी जलेश्वरका जिरोमाइल, खैराचौक, जिल्ला शिक्षा कार्यालय अगाडिलगायत पाँच स्थानमा श्रृङ्खलावद्ध बम विस्फोट गराइएको जिम्मा जनतान्त्रिक तर्राई मुक्तिमोर्चा ज्वालासिंह समूहका सैन्य कमाण्डर सुर्याले फोनमार्फ लिएका छन् ।बम विस्फोटबाट कुनै मानवीय एवम् भौतिक क्षति नभएको जिल्ला प्रहरी कार्यालय, महोत्तरीले बताएको छ ।