वाईसीएल मुख्यालयमा छापा

काठमाडौं, माघ २३ - वाईसीएलको बालाजुस्थित मुख्य कार्यालय, ललितपुर र भक्तपुरका कार्यालयमा प्रहरीले बुधबार राति ८ बजे एकसाथ तलासी लिएको छ ।
प्रहरीले वाईसीएलका कार्यालयबाट शंकास्पद वस्तु फेला नपारे पनि त्यसलगत्तै राजधानीका विभिन्न स्थानमा तलासीको विरोधमा वाईसीएलले पर््रदर्शन र टायर बालेको छ ।
चुनावी अभियानमा हि“डेका नेपाली कांग्रेसका नेता दिलेन्द्रप्रसाद बडुलाई वाईसीएल कार्यकर्ताले दार्चुलामा कुटपिट गरेको घटनापछि प्रधानमन्त्री गिरिजाप्रसाद कोइरालाले आक्रोश व्यक्त गर्दै सुरक्षाकर्मी लगाएर उनीहरूका गतिविधि नियन्त्रण लिन गृह राज्यमन्त्री रामकुमार चौधरीलाई निर्देशन दिएका थिए ।
राज्यमन्त्री चौधरीले प्रधानमन्त्रीको निर्देशनअनुसार तत्काल वाईसीएल कार्यालयहरूमा छापा मारी गतिविधि नियन्त्रण गर्न महानगरीय प्रहरी प्रमुख र उपत्यकाका तीनै जिल्ला प्रशासन प्रमुखहरूलाई निर्देशन दिएका थिए । सोही निर्देशनअनुसार प्रहरी र स्थानीय प्रशासनले ठूलो संख्यामा प्रहरी परिचालन गरी राजधानीको वाईसीएल कार्यालयमा छापा मारेको थियो ।
कार्यालय खानतलासी लिएलगत्तै त्यसको विरोधमा वाईसीएलले उपत्यकाभरि टायर बालेर राति अबेरसम्म सडक अवरोध गरेका थिए ।
विरोध गर्न सडकमा आएका कार्यकर्ताहरूले राजधानीका कलंकी, बालाजु, पुरानो बानेश्वर, रत्नपार्क, सामाखुसी, नया“ बसपार्क, ग्वार्को, चाबहिललगायत क्षेत्रमा टायर बालेर प्रहरी कारबाहीको विरोध गरेका थिए ।
वाईसीएल उपत्यका प्रमुख सागरले कान्तिपुरस“ग भने- 'संविधानसभा चुनाव भा“ड्न नेपाली कांग्रेसले हाम्रो कार्यालयहरूमा छापा मार्न निर्देशन दिएको हो, यसको हामी कडा प्रतिरोध गछौर्ं ।' 'हतियार र केहीलाई अपहरण गरिराखेको छ भन्ने सूचनाका आधारमा तलासी लिएका हौं,' काठमाडौं प्रमुख र्सर्वेन्द्र खनालले भने- 'तलासी लि“दा केही नभेटिएपछि प्रहरी फर्कियो ।' बालाजुमा प्रहरीले तलासी लि“दा वाईसीएल कार्यालयमा सांसद र कार्यकर्ताहरूको शिविर चलिरहेको थियो ।
यसअघि पनि प्रहरीले उपत्यकाका तीनै जिल्लाका वाईसीएल कार्यालयमा छापा मारी तलासी लिएको थियो र त्यति बेलासमेत केही फेला परेको थिएन ।
ललितपुर प्रहरी प्रमुख पशुपति उपाध्यायका अनुसार निर्देशन आएपछि विभिन्न स्थानमा छानबिन गरी भैंसेपाटी, बंगलामुखी र कुसुन्तीस्थित वाईसीएलको कार्यालय र आवास खाली गराएको
थियो ।
बालाजुमा तलासी लि“दा भिडन्त हुनसक्ने आशंकामा महानगरीय आयुक्तको कार्यालयले झन्डै तीन सय प्रहरी त्यस क्षेत्रमा तैनाथ गरेको थियो ।
छापा मार्नुअघि प्रहरीले बसपार्क अगाडिको पुलदेखि बालाजु चोकसम्मको चक्रपथ क्षेत्र र सामाखुसीबाट बालाजुसम्म जाने सडक खाली गरेको थियो । त्यसक्रममा बसमा यात्रा गरी घर जान लागेका हजारौं र्सवसाधारणले दुःख पाएका थिए ।
वाईसीएल कार्यकर्ताले प्रहरी हस्तक्षेपको विरोध गर्न हातमा बा“सका भाटा, बोतल, ढुंगा र इ“टा लिएर सडकमा आएका थिए । विरोधका कारण प्रहरी औद्योगिक क्षेत्रको मुख्यद्वारबाट भित्र पस्न सकेन ।
वाईसीएलले औद्योगिक क्षेत्रअगाडि र बालाजु क्षेत्रमा टायर बालेर सडक अवरोध गरेको थियो । प्रहरीले औद्योगिक क्षेत्रको मुख्यद्वार खुला गर्न सामान्य बल र केही राउन्ड अश्रुग्याससमेत प्रहार गरी पर््रदर्शनकारीहरूलाई सडकबाट हटाएको थियो ।