आजको खास ख़बर हरु ...........

आज तराइ बन्दको छैठौ दिन पनि मधेसी दलहरुले तराइ बन्दलाइ निरन्तरता दिएका छन । तराइ बन्दको कारण तराइको जनजीवन त अस्तव्यस्त छ नै त्यसका साथै मुलुकका अन्य भु-भाग समेत अस्तव्यस्त बनेको छ ।

बन्दको प्रभावका कारण काठमाडौंको सडक बन्द नै नभएपनि बन्द समान छ । चामल महंगो बन्दै गएकाले नागरिकको चुलो बन्द हुने सम्भावना बढेको छ । सस्तोमा ग्यास चुलो पाउंदासाथ पुरानो भुसे चुलो मिल्क्याएकाहरु पछुतो मान्छै पुन भुसे चुलोमा फर्किने तयारीमा लागेका छन ।

तराइ बन्दको आव्हान गर्ने नेताहरु सबै काठमाडौं बसेको समाचार प्राप्त भएको छ । आज सोमवार बन्द आव्हान गर्ने मधेस तराइ लोकतान्त्रिक दल मधेसी जनअधिकार फोरम र सद्भावना पार्टी तीनवटै दलका अध्यक्षहरु एकै मंचमा उपस्थित भएर भाषण गरेको समाचार प्राप्त भएको छ । उनीहरु तीनै जनाको भाषणको सार थियो तराइ बन्द कायमै रहने छ ।

आज गृह मन्त्रालयले विज्ञप्ती जारी गरेर तराइ आन्दोलनको क्रममा मारिएका व्यक्तिको परिवारलाइ उचित क्षतिपुर्ती दिने र घाइतेको निःशुल्क उपचार गर्ने आश्वासन दिएको छ । उसले यही आश्वासको भरमा तराइ खुल्छ कि भनेर संयम अपनाउन आन्दोलनरत पक्षसंग आग्रह गरेको छ ।

यसैविच आज बसेको केन्द्रिय शुरक्षा समितिको बैठकले शुरक्षाकर्मी परिचालन गरेर भारतवाट इन्धन ल्याउने निर्णय गरेको छ । सोही निर्णयसंगै विरगंजमा कर्फ्यूको घोषणा गरिएको छ । अपुष्ट समाचार अनुसार कर्फ्यूको समय पारेर शुरक्षाकर्मीको घेराका विच इन्धनका ट्यांकर काठमाडौंतिर आइरहेका छन ।