काठमाडौंमा चुनाव लाग्यो, मधेस उस्तैछ

आज समानुपातिक निर्वाचन प्रणाली अन्र्तगतको बन्द सुचि बुझाउने दिन काठमाडौं चुनाव भए बनेको थियो । सबै दलका नेताहरु मधेसी बाहेक है जुलुश सहित निर्वाचन आयोग गएका थिए । झन माओवादीको त के कुरा पहिलो चुनाव भएर होला समर्थक पनि गज्जपकै जम्मा पारेर गएका थिए । एमाले कांग्रेस लगायतका दलका नेताहरु कमै कार्यकर्ताले घेरिएका थिए । आज काठमाडौंको दृष्य देख्दा लाग्यो अहो अब चै चुनाव हुन्छ कि क्या हो । तर पुन फर्कौ यथार्थमा । मधेस आज पनि उस्तै छ । मधेसी नेताहरु निर्वाचन आयोगको कार्यालय गएनन । सुन्छु उनीहरु नेपालस्थीत भारतीय दुतावासमा गएका थिए । सायद जाउं कि नजाउं भन्ने निर्देशनका लागि हुनसक्छ । अन्तसम्ममा उनीहरु गएनन । मधेसी दलमध्ये नेपाल सद्भावना पार्टी आनन्दीदेवीको पनि मन्त्री श्यामशुन्दर गुप्ता मात्र गए ।
उता मधेसमा आज पनि आन्दोलन उस्तै नै हो । तर बेलुकासम्म शहिदको संख्या थपिएको समाचार भने आएको छैन । यो नै शुभ समाचार हो आजका लागि । बन्द उस्तै हो । सरकारको रवैया उस्तै नै हो । मधेस अनी काठमाडौं दुबैतिरको माहौल हेर्दा एकातिर चुनावमय बनेको छ । अर्कोतिर आन्दोलनमय बनेको छ । देश एक दृष्य अनेक झै ।एक साथिले ब्लगमा कमेन्ट गरेका छन पाकिस्तानमा यस्तो अवस्थामा त चुनाव भयो नेपालमा किन हुन्न भनेर । इच्छा शक्तिको कुरो हो । नेपालका दलविच इच्छा शक्ति हुने हो भने चैतमा चुनाव हुन्छ नै ।