र्सप हालसम्म पनि मन्दिरभित्र

निजगढ, ८ फागुन । बारा जिल्लाको खट्वा जब्दी- १ स्थित तारकेश्वरनाथ महादेव मन्दिरमा केही दिनदेखि आएर बसेको र्सपको दर्शन गर्न श्रद्धालुहरुको भीड बढिरहेको छ । उक्त मन्दिरभित्र रहेको शिवलिङ्गमा गत माघ २८ गते दिउँसोको समयमा देखापरेको र्सप हालसम्म पनि सोही मन्दिरभित्र रहेकोले उक्त र्सपलाई नाग देवता र शिवको गहना ठानी दर्शन गर्न श्रद्धालु भक्तहरुको भीड लागेको हो । मन्दिरभित्र रहेको र्सप प्रायः शिवलिङ्गमा मालाजस्तो बनेर रहने र समयसमयमा मन्दिर वरिपरि घुम्ने गरेको छ । ,करिब तीन फिट लामो उक्त र्सपले भक्तहरुले मन्दिरमा चढाएको दूध खाने गरेको मन्दिरका पुजारीले बताए । यसैबीच बारा जिल्लाको निजगढस्थित पर्वतनाथ महादेव मन्दिर परिसरमा वाषिर्क रुपमा सञ्चालन हुने मेला मङ्गलबारबाट सुरु भएको छ । पुर्व-पश्चिम महेन्द्र राजमार्गबाट करिब दुई किलोमिटर उत्तर्रतर्फ आदिवासी बस्तीमा रहेको मन्दिरलाई निजगढकै आराध्य देवताको रुपमा मानिन्छ । तीनदिनसम्म उक्त मन्दिर परिसरमा सञ्चालन हुने मेलामा बारा जिल्लाका उत्तरी भेगका गाविस र मकवानपुर जिल्लाका केही गाविसहरुबाट हजाराँैका सङ्ख्यामा आएका भक्तजनहरुले मेला भरिरहेका छन् । मेलामा विभिन्न स्थानबाट आएका साँस्कृतिक समूहले झाँकी, नृत्य तथा रोचक कार्यक्रमहरु प्रस्तुत गरेका थिए । साथै उक्त मेलामा बालबालिकाहरुलाई मनोरञ्जन दिने सामग्रीका साथमा व्यापरिक उत्प्दनहरु पनि राखिएका छन् । मेला बिहीबार बिहान समापन हुनेछ ।