सेना परिचालन गर्नुपर्छः वादल

१ फेब्रुअरी, ०८ । नेकपा माओवादीका बरिष्ठ नेता रामबहादुर थापा 'बादल'ले संविधानसभा निर्वाचन बिथोल्ने खोज्नेहरुविरुद्ध सेना परिचालन गर्न सकिने बताउनुभएको छ । लिम्बुवान राज्य समितिले इलाममा आयोजना गरेको तीन दिने प्रशिक्षण कार्यक्रमको समापन कार्यक्रममा बोल्दै नेता बादलले जनता र राष्ट्रको सुरक्षाका लागि सेना परिचालन गर्नुको बिकल्प नरहेको पनि उल्लेख गर्नुभयो ।नेता बादलले संविधानसभा नै दीर्घकालिन राजनैतिक निकासको ढोका भएकाले त्यसलाई बिथोल्न षडयन्त्र गर्ने जोकोहिलाई नियन्त्रण गर्न सेना परिचालन गर्नुपर्ने बताउनुभयो । दुईपटक तय भएको संविधानसभा चुनाव मिति प्रतिगामिहरुकै कारण बिथोलिएको उल्लेख गर्दै नेता बादलले प्रतिगामीहरुलाई टाउको उठाउन नदिन सात दलीय एकता अझ मजबुद हुनुपर्नेमा जोड दिनुभयो ।