राजधानीमा ४० लाख लुटने बुटवलमा पक्राउ

२ फेब्रुअरी, ०८ । राजधानीमा गत माघ १५ गते दिउसै ४० लाख लुट्ने गिरोहका चारजना बुटवलमा पक्राउ परेका छन् । इलाका प्रहरी कार्यालय बुटवलले बिहीबार उनीहरुलाई पक्राउ गरेपनि हिजो दिउसो मात्रै सार्वजनिक गरेको हो । पक्राउ पर्नेहरुमा बाग्लुङ जिल्ला अधिकारीचौरका १९ वषिर्य देबेन्द्रकुमार घर्ति, रामेछाप दुरागाउँका २४ वषिर्य रमेश राणा, दोलखा सुब्बाडाँडाका २७ वषिर्य बिदुर शर्मा र बुटवल १५ बेलबासका २५ वषिर्य कमल राना रहेका छन् । सुराकीको आधारमा उनीहरुलाई बुटवलका दुई होटलबाट पक्राउ गरिएको र थप कारवाहीका लागि काठमाडौं पठाइसकेको इलाका प्रहरी कार्यालय बुटवलका प्रमुख डीएसपी जगतमान श्रेष्ठले बताउनुभयो ।