फोरम किन भिलेन बन्दैछ

मधेसका जारी संकट समाधानका लागि सरकार र सात दल चककताका साथ प्रस्तुत भएका छन । तर सहमति भने हुन सकेको छैन । यस अगाडि नै मधेसको मामलामा सरकारसंग सहमतिमा आइसकेको मधेसी जनअधिकार फोरमको चुनाव सार्ने एक सुत्रिय माग अहिले सहमतिको बाधक बनेको छ ।सात दलले पुन चुनावको मिति सार्ने हो भने गाउं गाउंका जनताले सात दलका नेता कार्यकर्तालाइ कुटेर भगाउने खतरा त छंदैछ । त्यसमा पनि चुनावका सबै प्रकृया शुरु भइसकेको अवस्थामा कसरी चुनावको मिति सार्ने ?त्यसमा पनि मधेसी जनअधिकार फोरमको एकल मागका कारण ।मधेसका आन्दोलन शुरु गर्दा संयुक्त लोकतान्त्रीक मधेसी मोर्चाको नाममा आन्दोलन शुरु भएको थियो । मोर्चामा महन्थ ठाकुर अध्यक्ष रहेको तराइ मधेस लोकतान्त्रीक पार्टी राजेन्द्र महतोको सदभावना पार्टी र मधेसी जनअधिकार फोरम रहेका छन ।यस विचमा फोरम बाहेक अन्य २ दल सहमतिका लागि राजी भइसकेका भएपनि फोरम एक्लै एकाएक भिलेनको रुपमा अगाडि आएको छ । तर कारण किन मेसो पाउन न सरकारले सकेको छ न उसकै सहयात्रि दुइ दलले ।एक खालका विष्लेशकहरुको मत अनुसार अहिले फोरम एकाएक ट्याकमा आउन नचाहनुको प्रमुख कारण हुन फोरमका सह-संयोजक जयप्रकाश गुप्ता । जो राजनीतिक चतुर खेलाडि हुन नै ।सरकार मधेसको समस्या समाधान नगरी संविधान सभामा जान सक्दैन भन्नेमा गुप्ता पक्कापक्की नै छन । त्यसमा यदी चुनावको मिति सार्न सकेमा जनताका माझ अलोकपि्रयताको पगरी गुत्थै गएका सात दल थप अलोकपि्रय मात्र हैन बहिष्कार नै हुने सम्भावना पनि उनको आखाका के लुक्थ्यो र ।सात दललाइ असफल बनाउनका लागि यो जत्तिको उचित समय उनका लागि के हुन्थ्यो र । त्यसैले फोरम अहिले एकल रुपमा चुनाव सार्ने रटानमा लागेको हो भन्ने अनुमान लगाउन के गार्हो भयो र ।त्यसमा पनि अहिले चुनाव बहिष्कार गर्ने घोषणा गर्ने सुर्यबहादुर थापाको राष्ट्रिय जनशक्ति पार्टी र रविन्द्रनाथ शर्माको राष्ट्रिय प्रजातन्त्र पार्टी नेपालको पनि भरपुर सहयोग छ फोरमका लागि । कथमकदाचीत मोर्चाका अन्य २ घटक मोर्चावाट बाहीरिएपनि एक्लै तराइको आन्दोलन हाक्ने क्षमता छ भन्ने भ्रम समेत छ फोरमका नेतामा । त्यही कारण हो फोरम अहिले सम्झौताको विन्दुमा भन्दा निहु खोज्ने मुडमा रहेको छ ।अहिले फोरम भारतलाइ समेत टेर्ने पक्षमा नरहेको त कान्तिपुरको नेपाल साप्ताहिकमा यसै हप्ता छापिएको कभर स्टोरीले नै देखाएको छ । यो कत्तिको सत्य हो त्यसको विष्लेशण आफ्नै ठाउंमा होला । तर नेपालका लागि भारतीय राजदुत शिवशंकर मुर्जीले पटक पटक वार्ताका लागि बोलाउंदा पनि उनी नआउनु अनी एकाएक मुखर्जीले अब भारत चांहिदैन भनेर धम्क्याएपछि वार्ताका लागि काठमाडौंमा आउनु तर सहमत नहुनुले फोरम भारतभन्दापनि माथिको शक्ति केन्द्रको आशिर्वादमा हिडेको हो भन्ने देखाएको छ ।त्यो शक्ति के हुन सक्छ त भन्ने एंगलवाट हेर्दा नेपालको मामिलामा भारतलाइ असफल बनाएर अमेरीका हावी हुने राजनीति वा भारतले गणतन्त्र समेत स्विकार गरेकाले उसलाइ बाइपास गर्ने दरवारीया शक्ति नै देख्छु म त ।जे भएपनि फोरमको लक्ष भनेको चैत २८ मा कुनै हालतमा चुनाव हुन नदिने रणनीति नै रहेको प्रष्ट भइसक्यो अब । यसका लागि सरकार अब कि लम्पसार परेर हैन उपेन्द्र प्रभो भन्नु पर्यो हैन भने फोरमविनाको संविधान सभाका लागि मुटु दरिलो बनाएर चुनावमा होमिने बाहेकको अर्को कुनै विकल्पै छैन ।