अवैध हतियार र विष्फोटक पदार्थ सहित चार जनालाई पक्राउ

बारा जिल्लाको भोडाहा गाविसबाट बिहीबार राती प्रहरीले अवैध हतियार र विष्फोटक पदार्थ सहित चार जनालाई पक्राउ गरेको छ । पक्राउ पर्नेमा बाराको रघुनाथपुर गाविस-१ निवासी बाबुलाल चौधरी, सोही गाविसका रमेश चौधरी, लखन चौधरी र खोपवा गाविस-३ निवासी रामदास चौधरी रहेका छन् । शसस्त्र प्रहरी उपरिक्षक शिवबहादुर मल्लको नेतृत्वमा गएको टोलीले उनिहरुको साथबाट २ थान सुथली बम, बाराबोरको बन्दुक २ थान, थ्रीनट बन्दुकमा प्रयोग हुने गोली ६ थान, हतियार र विष्फोटक पदार्थ बरामद गरेको हो । उनिहरुलाई शसस्त्र प्रहरी कार्यालय कलैयामा राखी थपअनुसन्धान भईरहको प्रहरीले जनाएको छ ।