नया“खाले चरो भेटियो

काठमाडौं, माघ २१ - कोसीटप्पु वन्यजन्तुले नया“ प्रजातिको चरा फेला पारेको छ । यसलाई 'गाइने घा“सेफिस्टो' नाम दिइएको छ । योसहित चरा प्रजातिको संख्या ८ सय ६२
पुगेको छ ।
डा. हेमसागर बरालको नेतृत्वमा गएको नेपाल पन्छी संरक्षण संघ आबद्ध विशेषज्ञ टोलीले विस्तृत अध्ययन गरी उक्त चरा विश्वकै लागि नया“ र पहिलो पटक देखिएको उपप्रजाति भएको पुष्टि गरेको छ ।
यस उपप्रजातिलाई वैज्ञानिक भाषामा 'प्रिनिया बुरनेसी निप्पालेन्सिस' नाम दिइएको छ । यसको अध्ययनका लागि लगभग दर्ुइ वर्षलागेको थियो । चरा विशेषज्ञ सुचित बस्नेत र बद्री चौधरीले सन् २००५ अप्रिल १ तारिखका दिन कोसीटप्पु वन्यजन्तु आरक्षमा पहिलो पटक यो प्रजातिका दर्ुइ चरा फेला पारेका थिए ।
डा. बरालका अनुसार यो आवासीय चरा हो र नेपालमै बच्चा कोरल्ने गर्छ । बासस्थान लोप र विनाशले गर्दा घा“सेफिस्टो दर्ुलभ छ । 'पत्ता लाग्नेबित्तिकै यस चरालाई अति संकटापन्न प्रजातिमा सूचीकृत गरिएको छ,' उनले भने- 'यसलाई विश्व संरक्षण संघको अति संकटापन्न पन्छीको सूचीमा राख्नर्ुपर्छ ।'
यो चरा सिस्टीकोलिडा परिवारमा पर्छ । योबाहेक यस प्रजातिका अरू थप दर्ुइ उपप्रजाति छन् ।
यीमध्ये एक उपप्रजाति पाकिस्तानमा र स“गैको छिमेकी देश भारतको पञ्जाब प्रान्तमा पाइन्छ ।
दोस्रो उपप्रजाति आसामनजिक बम्हपुत्र नदी प्रणाली र यसका सहायक नदी किनारका घा“सेमैदान -भारत र बंगलादेश) मा पाइन्छ । कोसीटप्पु भने गंगा नदी प्रणालीको सहायक नदी कोसी किनारमा पर्छ ।