सुनसरीमा बम विष्फोट

नेपाली कांग्रेसले सुनसरीको इनरुवमा गर्नलागेको सभा बिथोल्ने उद्येश्यले बम बिष्फोट गराइएको छ ।
१९ माघमा सभास्थल रहेको भगवती माविनजिकै गराइएको बिष्फोटमा एक बालिका घाइते भएकी छिन् ।
घाइते भएकी स्थानीय तानियादेवीको उपचार भइरहेको छ । बिष्फोटको जिम्मेवारी जनतान्त्रिक तर्राई मुक्ति मोर्चा ज्वाला समूहले लिएको छ । संविधानसभा निर्वाचन अभियानमा जुट्नुभएको कांग्रेसका वरिष्ठ नेता शेरबहादुर देउवाले बोल्ने कार्यक्रम तय भएको स्थान नजिकै विष्फोट गराएका थिए ।
यसैगरी देउवालाई कालो झण्डा देखाउने क्रममा प्रहरी र संयुक्त मधेश मुक्ति मोर्चाका कार्यकर्ताबीच झडप हुदा आधा दर्जन मोर्चा कार्यकर्ता घाइते भएका छन् ।