दुर्घटना, पुर्व राज्यमन्त्री कमलेशकुमार शर्मासहित पाँच यात्रु गम्भीर घाइते

परासी, २० माघ । महेन्द्र राजमार्गअर्न्तर्गत नवलपरासीको मध्यविन्दु भन्ने स्थानमा गए राति बा.१ज १२८५ नम्बरको टयाक्सी सडकबाट तल बसेर भएको दुर्घटनामा पुर्व राज्यमन्त्री कमलेशकुमार शर्मासहित पाँच यात्रु गम्भीर घाइते भएका छन् । सो दुर्घटनामा घाइते हुने अन्य व्यक्तिहरूमा पुर्व राज्यमन्त्री शर्माकी श्रीमती कमला शर्मा, कपिलवस्तु जिल्लाअर्न्तर्गत तौलिहवाका तारानाथ त्रिपाठी, काठमाडौँ, नैकाप निवासी चालक मदन कार्की र दीपक थापा रहेका छन् ।जिल्ला प्रहरी कार्यालय, नवलपरासीका अनुसार काठमाडौँबाट कपिलवस्तर्तर्फ आउँदै गरेको सो टयाक्सी सडकबाट २५ मिटर तल खसेको थियो । घाइते सबैलाई कालीगण्डकी अस्पताल कावासोतीमा सामान्य उपचारपछि काठमाडौँको वीर अस्पताल लैजान रिफर गरिएको प्रहरीले जनाएको छ ।