राजा ज्ञानेन्द्रको गणतन्त्रप्रतिको आपत्ति

राष्टवाणि साप्ताहिकका लागि अन्तर्वार्ता लिने क्रममा अन्तरिम संविधानमा गणतन्त्र लेखिएको बारेमा पत्रकार हरि लम्सालले प्रश्न राख्दा व्यांग्यात्मक पाराले ए हो र भन्दै अनभिज्ञता जनाएका ज्ञानेन्द्र शाहले जापानी पत्रकारमाझ रुन्चे स्वरमा भनेछन यो प्रजातान्त्रिक प्रकृया भएन । उनका हिसावमा सात दलको सहमतिमा अन्तरिम संविधानमा तेस्रो शंसोधन मार्फत मुलुक संघिय गणतान्त्रिक मुलुक हुने उल्लेख गरेकोमा उनमा सबैभन्दा धेरै अशन्तुष्टी रहेछ । उनले नारायणहिटीमा केही जापानी पत्रकारलाइ चिया खान बोलाएर भनेछन -यसले जनताको बहुमतको प्रतिनिधित्व गर्दैन । यो प्रजातान्त्रिक पद्धती त भएन
प्रजातन्त्रमा सबैको अधिकार हुन्छ । नेपाली नागरिक भएको हैसियतमा ज्ञानेन्द्र शाहले पनि यो अधिकार उपभोग गर्न पाउंछन नै । तर, जव उनले शासनसत्ता आफ्नो हातमा लिएर निरंकुशताको नांगो नाच नाचेका थिए त्यो बेलामा किन यो दिब्य ज्ञान आएन उनमा । कमसेकम त्यो बेलामै प्रजातन्त्र भनेको के हो भनेर बुझेको भए अहिले नै यो अवस्था आउंदैनथ्यो कि !
विरोध गर्न पाउनु प्रजातन्त्र हो, देखेको बोल्न पाउनु र लेख्न पाउन प्रजातन्त्रका आधारभुत मान्यता हो भन्ने बुझ्न यत्रो समय लाग्यो ज्ञानेन्द्रलाइ । आफु सत्तामा रहंदा पत्रकारले कलमले लेखेको समाचार बन्दुकले सम्पादन गर्न सेना पठाउने, राजनीतिक दलका नेता तथा कार्यकर्तालाइ जेलमा कोच्ने, नजरबन्द राख्ने, शान्तिपुर्ण आन्दोलनमा उत्रिएका नागरिकलाइ गोलि हान्ने आदेश दिने अनी अहिले आफु कमजोर बनेको बेलामा आफैंले धुंजा धुंजा बनाएको प्रजातन्त्रको दुहाइ दिने, वाह क्या काइदा । विचरा प्रजातान्त्रीक बुद्धत्व त पाएछन तर ढिला ।
राजतन्त्रको भविष्य निर्धारण गर्ने अधिकार जनताको हो भन्ने पनि उनले यो २ वर्ष अपमानित रुपमा नारायणहिटीमा कैदी समान बसेर बुझेछन । बहुमत नागरिक अझै राजतन्त्रको पक्षमा रहेको उनको अझै भ्रम रहेको अन्तर्वार्ताको क्रममा प्रष्ट झल्कीएको थियो ।
उनले अन्तीम आशा ब्यक्त गर्दै भनेछन हरेक कालो बादलमा चांदीको घेरो हुन्छ । अर्थात उनका लागि अहिले गणतन्त्रको कालो बादल लागेको छ, जसको छेउमा केही राजावादीहरु उनका लागि चांदिको घेरा बनेका छन ।
तर हुन्छ के त , त्यसका लागि त चैत २८ मा संविधान सभा चुनाव हुनुपर्यो नी हैन ।