कतारबासी नेपालीहरुले प्रचण्डलाई सघाउने

२९ फेब्रुअरी, ०८ । नेपाल प्रगतिशिल मञ्च कतारले नेपाल कम्युनिष्ट पार्टी माओवादीको जनयुद्धको १३ औं वर्षगाँठको अवसर पारेर कतारको अलखोरमा जनसाँस्कृतिक कार्यक्रमसहित शुभकामना आदान-प्रदान कार्यक्रम सम्पन्न गरेको छ । सो कुरा मञ्चका अध्यक्ष जनार्दन गिरीले एक प्रेस विज्ञप्तीमार्फत जानकारी गराएका छन् । आगामी चैत्र २८ गते नेपालमा हुन गईरहेको संविधानसभाको चुनाव सफल पार्ने उद्देश्यले आयोजना गरिएको हजारौं प्रबासी श्रमजिबी नेपालीबीच भएको उक्त कार्यक्रममार्फत संबिधानसभा बिरोधी प्रतिगमनकारी तत्वहरुलाई प्रबासबाट पनि नंग्याउनुपर्ने बताईएको थियो । विज्ञप्तीमा आगामी चैत २८ गतेको निर्वाचनले सर्वहारा बर्गको मुक्तिको लागि जनताको दुश्मन समाप्त गरी नयाँ जनबादी शासन व्यबस्था साँच्चिकै सर्बहारा बर्गको व्यवस्था ल्याउनको लागि विश्व सर्वहारा मुक्ति आन्दोलनका सर्वोच्च कमाण्डर ने.क.पा.माओबादीका अध्यक्ष क. प्रचण्डलाई नयाँ नेपालको प्रथम राष्ट्रपति बनाउन एवं शहीदको सपना साकार पार्न मंच हरप्रकारको सहयोग गर्न तयार रहने उल्लेख छ ।