कांग्रेसका ६ नेता फोरममा प्रबेश

मार्च, ०८ । नेपाली कांग्रेसका नेता विजयकुमार गच्छेदार सहित ६ जना नेताहरुले पार्टी परित्याग गरी मधेसी जनअधिकार फोरममा प्रबेश गरेका छन् । तराइमा समस्या समाधान नभएसम्म उम्मेदरवार नवन्ने घोषणा गरेका मधेशी मुलका नेताहरु दुइदिनमै कुरा मिलेपछि पार्टी परित्याग गरेका हुन् । आज राजधानीमा आयोजित पत्रकार सम्मेलनमा नेता गच्छेदार सहित, सरदसिंह भण्डारी, रामजनम चौधरी, हरिनारायण चौधरी, लक्ष्मण मेहेता र मंगल थारुले पार्टी परित्याग गरि मधेशी जनाधिकार फोरममा प्रवेश गरेको घोषणा गरे । उनीहरुले नेपाली कांग्रेस दिशाहिन भएको, गुटवन्दी हावी भएको लगायतका आरोप लगाएका छन् । सरकार र मधेशी मोर्चावीच सम्झौता भएपछि वालुवाटार पुगेर आफुलाइ पुन प्रत्यक्ष निर्वाचन प्रणालीमा उम्मेदवार वनाउन सभापति गिरिजाप्रसाद कोइरालालाइ आग्रह गरेपनि सुनुवाइ नभएपछि पार्टीवाट वाहिरिने घोषणा गरेका हुन् ।