सवारीसाधन लुट्ने समूह पक्राउ

काठमाडौं, चैत ९ - सवारीसाधनलाई एकान्त ठाउ“मा पारेर लुट्ने ६ जनाको समूहलाई प्रहरीले शनिबार पक्राउ गरेको छ । पक्राउ परेकाहरूले एक वर्षभत्र उपत्यकामा गुड्ने सयभन्दा बढी सवारीसाधन लुटेको स्वीकारेको प्रहरीको दाबी छ ।
पक्राउ पर्नेहरूमा सिन्धुपाल्चोकको ठूलो पाखर-६ घर भई ललितपुर बस्ने २५ वषर्ीय रमेश लामा, मकवानपुर सिस्नेरी-९ टेकर घर भई शंखमूल बस्ने २४ वषर्ीय अशोक वाइवा, बारा निजगढ-५ घर भई धुम्बाराही बस्ने २५ वषर्ीय संजीव लामा, मोरङ शनिश्चरे-२ घर भई ठमेल बस्ने २६ वषर्ीय कृष्ण खडका र सिन्धुपाल्चोक थुम्पाखर-६ घर भई भैंसेपाटी बस्ने २१ वषर्ीय अनिल लामा र २७ वषर्ीय जितबहादुर तामाङ छन् ।

अपराध महाशाखाका प्रमुख उपेन्द्रकान्त अर्यालका अनुसार पक्राउ परेका अभियुक्तहरूले सातामा दर्ुइ गाडी लुट्ने गरेको स्वीकारेका हुन् । लुट्ने समूहलाई यसअघि प्रहरीले छुट्टाछुट्टै र समूहमै पक्राउ गरेको भए पनि रकम दिएर छुट्ने गरेको उनीहरूले बताएका छन् । प्रमाणको अभावमा कही“ नगदै दिएर र कही“ प्रहरी भ्यान मर्मत गरिदिने वा भ्यानमा तेल हालिदिने र्सतमा आफूहरू छुट्ने गरेको उनीहरूले बताए ।

यसपटकसमेत पक्राउ परेलगत्तै सातदोबाटोमा राखेकै अवस्थामा नोर्बु लामा नामका एक व्यक्ति उनीहरूलाई छुटाउन मोटो रकम लिएर प्रहरीकहा“ पुगेको एक अनुसन्धान अधिकारीले बताए । महाशाखा प्रमुख अर्यालका अनुसार पक्राउ परेकाहरूले अपहरणको धम्की दिएर रकम असुल्ने, समूहमा मिलेर डकैती गर्नेलगायतका घटना गर्ने गरेको खुल्न आएको छ ।