तीन जिल्ला बन्द, तनाब जारी

२५ मार्च, ०८ । सरकारले संविधानसभा आचारसहिँता विपरित ट्रकमा हतियार भैरहवा नाका हुँदै नेपाल भित्रयाएको भन्दै माओवादीले हिजो कब्जामा लिएका तीन ट्रक प्रशासनले बल प्रयोगरी काठमाण्डौ पठाएपछि माओबादीले बिरोध स्वरुप तीन जिल्ला बन्द गराएका छन् । सोमबार राती १० बजे माओवादीले तीन ट्रक हतियार अवैधरूपमा ल्याएको भन्दै ट्रक कब्जामा लिएका थिए । स्थानीय प्रशासनले सोमबार राती ३ बजे कर्फ्र्यु लगाएर ट्रक काठमाण्डौ तिर पास गराएपछि तनाब शुरु भएको थियो । स्थानीय प्रशासनले भने अति संवेदनसिल चुनाव सामग्री भएको र हतियार नल्याएको दावी गरेको छ । माओवादी कार्यकर्ताका अनुसार प्रहरीले तीन ट्रक हतियार ल्याएको स्वीकार गरेको छ । आजै बिहानैदेखि माओवादी कार्यकर्ताहरूले बुटवलका बिभिन्न ठाउँमा रहेका प्रहरी विटमा आगजनी गरेका छन् । आज माओबादीले बिरोध स्वरुप रुपन्देही कपिलबस्तु र नवलपरासी जिल्ला बन्दको आह्वान गरेका छन् । जारी रहेको एसएलसि परिक्षा वाहेक कुनैपनि कलकारखाना, शिक्षण संस्था यातायात चल्न दिएका छैनन् ।प्रहरी र माओबादी कार्यकरु्ताबीच झडपहुँदा प्रहरीको कुटाइबाट पत्रकार लेखनाथ सजकसहित १५ जनाभन्दा बढी माओवादी कार्यकर्ता घाइते भएको माओबादीले जनाएको छ।