माओवादी दरबारबाट सञ्चालित’

मोरङ, (नेस) नेकपा (एमाले) का वरिष्ठ नेता केपी शर्मा ओलीले माओवादीले आफनो हत्या गरेर चुनाव बिथोल्ने प्रयास गरिरहेको दाबी गर्नुभएको छ। बिहीबार विराटनगरमा सञ्चारकर्मीसँग कुरा गर्दै नेता ओलीले भन्नुभयो- ँमाओवादीले मेरो हत्या गर्ने निर्णयागरेको सूचना मैले पाएको छु। उनीहरूले निरन्तर ममाथि गरेको आक्रमणले पनि मेरो हत्याको योजना पुष्टि हुन्छ।’माओवादी जोत्न लगाइँदै गरेको बरगोरु भएको संज्ञा दिँदै ओलीले भन्नुभयो- ँशुरूमा बरगोरुलाई जोताउन गाह्रो हुन्छ किनकि उसले जोत्न जानेकै हुँदैन। त्यति बेला बरगोरुले जे पनि गर्छ। अहिलेको माओवादी यही बरगोरु हो।’हिजो खसीको टाउको देखाएर बाख्रीको मासु बेच्ने भनेर संसद्लाई भन्ने माओवादीले आज त्यही संसद्मा पसल थापेर रँडाको मच्चाइरहेको उल्लेख गर्दै ओलीले भन्नुभयो- ँमाओवादीको बोली र गराइको ठेगान छैन।’ माओवादीप्रति आक्रामक देखिने ओलीले माओवादी दरबारबाट सञ्चालित भएको आरोपसमेत लगाउनुभयो।उहाँले भन्नुभयो- ँकहिले कमल थापासँग त कहिले रमेशनाथ पाण्डेसँग चाकडी बजाउने माओवादी दरबारबाट सञ्चालित छन्, यिनीहरूसँग कुनै चुनावी तालमेल हुँदैन।’ तर माओवादी सुध्रिएर आए भने तालमेल हुने उहाँले बताउनुभयो।निष्ठापूवक लोकतान्त्रिक आचरण देखाए माओवादीसँग तालमेल हुन्छ’, ओलीले भन्नुभयो- ँतर यस्तै आचरणले तालमेलको सम्भावना छैन।’