आगलागिबाट एक करोडको क्षति

२८ मार्च, ०८ । हिजो दिउसो १ बजेदेखि विराटनगर- ९ स्थित कालुराम तोदीको जुटको गोदाममा लागेको आगोबाट करिब एक करोड रुपैयाँ बराबरको क्षति भएको छ ।दुइ लाख ४० हजार किलो जुट राखेको गोदाममा भएको आगलागी नियन्त्रण गर्न आज दिनभरि लाग्ने प्रहरीले जनाएको छ । जुटमा लागेको आगोमा माथिबाट पानी हाले पनि भित्रभित्रै बलिरहेको आगो निभाउन गाह्रो भएको मोरङ प्रहरीले जनाएको छ । आगो नियन्त्रण गर्न हिजो मोरङ, सुनसरी र झापा जिल्लाका सबै दमकल परिचालन गरिएको भए पनि आज विराटनगरका मात्रै दमकलले आगो निभाइरहेका छन् । समयमै आगो नियन्त्रण प्रयास थालिएकाले जुट गोदामसगै रहेको तोदीकै करोडौँको इलेक्ट्रोनिक्स सामान भने जोगिएको छ ।