माओवादीद्वारा पूर्वका ६ जिल्ला बन्द

२७ मार्च, ०८ सोलुखुम्बुमा हिजो कांग्रेससंगको झडपमा माओवादी कार्यकर्ता मारिएको भन्दै माओवादी निकट किराँत राज्य समितिले पूर्वका ६ जिल्ला आज बन्द गरेको छ । सोलुखुम्बु, संखुवासभा, भोजपुर, ओखलढुंगा, खोटाङ र उदयपूरमा एसएलसी परिक्षा केन्द्रबाहेकका सबै शैक्षिक संस्था, यातायात, कलकारखाना तथा अन्य संघ-संस्था समेत बन्द गरिएका छन् । सोलुखुम्बुको सिसाखोलामा हिजो कांग्रेस र माओवादी कार्यकर्ताबीच झडप भएको थियो । झडपमा आफ्ना जिल्ला सदस्य गंगा भुजेलको मृत्यु भएको माओवादीले बताएको छ । घट्नामा कांग्रेस उम्मेदवार बलबहादुर केसी सहित १२ कार्यकर्ता तथा माओवादीका ८ कार्यकर्ता घाँईते भएका थिए ।