एमाले कार्यक्रममा फेरि वाईसीएल आक्रमण

नेकपा (एमाले) ले धादिङको तसर्पु गाविसको बाहुनथान भन्ने ठाउँमा कार्यकर्ता भेला गरिरहेका बेला शनिबार माओवादी भ्रातृ संगठन वाईसीएलले आक्रमण गर्दा चार जना घाइते हुन पुगेका छन्।घाइते हुनेमा गाउँ कमिटीका उपसचिव राजेन्द्र अर्याल, कृष्णप्रसाद अर्याल, घलाल स्याङतान र पुरुषोत्तम पाण्डे रहेका छन्।राजेन्द्र र पुरुषोत्तमको स्थिति गम्भीर भएकाले उपचारका लागि शनिबार नै काठमाडौं पठाइएको छ। अन्य दुई घाइतेको चाहिँ स्थानीय मेडिकलमै उपचार गराइएको छ। कार्यक्रममा एमालेले आफूहरूलाई ँहत्यारा’ भनेको आरोपमा वाईसीएलका स्थानीय नेता चटयाङ भनिने इन्द्रबहादुर कार्कीको नेतृत्वको करिब २० जनाको टोलीले एक्कासि आक्रमण गरेको थियो।