बस दुर्घटनामा ५ को ज्यान गयो

२८ मार्च, ०८ । रोल्पाको रिचीतिलामा आज बिहान भएको यात्रुबस दुर्घटनामा ५ जनाको ज्यान गएको छ । रोल्पाको तिलाबाट दांगको घोराहीका लागि छुटेको लु १ ख २६१६ नम्बरको बस बिहान ८ बजेतिर रिचीतिलामा खसेर दुर्घटना भएको हो । दुर्घटनामा ४ जनाको घटनास्थलमै र १ जनाको उपचारकाक्रममा मृत्यु भएको जिल्ला प्रहरी कार्यालयले जनाएको छ ।मृत्यु हनेमा रोल्पा रांसीका लोक बहादुर डांगी, यनी वली कुलेलीका ढोले डांगी र खाराकी तिलमती कुंवर रहनुभएको छ । एक जनाको सनाखत हुन बाकी छ । दुर्घटनामा घाईते भएका मध्ये ४ जनाको अवस्था गम्भिर रहेको छ । उनिहरुमध्ये २ जनालाई उपचारका लागि दांग ल्याईदै छ । भिरालो बाटोमा चालक ओड नराखेर बस रोकी सडकमा निस्किए लगत्तै बस तल खसेको बताईएको छ । चालकसंगै केही यात्रु बसबाट ओर्लेका कारण कम मानबिय क्षती भएको रोल्पाबाट सहयोगी हिमाल गैरेले जनाएका छन ।