माओवादी र मसाल एक हुने

नेकपा माओवादी र नेकपा (एकता केन्द्र मसाल) एकीकृत पार्टी निर्माण गर्न सहमत भएका छन् । एकताका लागि साङ्गठनिक प्रक्रिया पूरा गर्न छलफल र गृहकार्यका लागि एकता संयोजन समिति बनाउने निर्णय पनि गरिएको छ । मंलबार माओवादी अध्यक्ष प्रचण्ड र मसालका महासचिव प्रकाशले संयुक्त रुपमा हस्ताक्षरीत प्रेस विज्ञप्तिमा संगठनिक एकिकरणको प्रक्रिया पूरा गर्नका लागि आवश्यक छलफल एवं गृहकार्य गरी पार्टी एकता संयोजन समिति गठन गर्ने निर्णय गरेको उल्लेख गरिएको छ । साथै जनआन्दोलनको लक्ष्य पूरा गर्न सकिन्छ भन्ने मान्यताले एकता गर्न सहमत भएको र निर्वाचनका सम्भावित षड्यन्त्रलाई चिर्दै बाम पार्टीलाई जिताउन आग्रह समेत गरिएको छ ।