४० बर्षमा बिश्वकै धनी देश बनाउने प्रचण्डको दावी

माओवादी अध्यक्ष प्रचण्डले आगामी ४० बर्ष भित्रमा मुलुकको कायपलट गरी बिश्वकै धनी देश बनाउने दावी गर्नु भएको छ । २० फागुनमा आफ्नो निर्वाचन क्षेत्रमा पहिलो चुनावी आमसभा गर्दै आज प्रचण्डले भन्नुभयो, दश बर्ष भित्रै अनुभव गर्न सकिने गरी हामी परिवर्तन गर्र्छौ ।
यस क्रममा उहाले महाभारत पर्वतको बीचबाट चार्लेङ्गको राजमार्ग र चीनबाट पोखरा हुदै लुम्बीनी सम्मको रेलमार्ग विस्तार गरीने महत्वकांक्षी योजना समेत घोषणा गर्नुभयो ।
आफुहरु अहिले लर्डाईको अन्तिम मोर्चा संविधानसभाको निर्वाचनमा होमीएको बताउदै अध्यक्ष प्रचण्डले अन्य लडाइं झैं यो लडाइमा पनि माओवादीले नै जित्नुपर्ने तर्क राख्नुभयो ।
राजनीतिक क्रान्ति सफल भए लगत्तै आर्थिक क्रान्ति गर्ने पार्टीको नीति सार्वजनीक गर्दै प्रचण्डले भन्नुभयो-संघियता र गणतन्त्रको एजेण्डामा आफ्नो पार्टीले नेतृत्व गरेकाले अब मुलुकको नेतृत्व पनि आफ्ने पार्टीले पाउनुपर्ने धारणा राख्नुभयो ।
कीर्तिपुरे जनताको विरता र शाहशको प्रसंशा गर्दै प्रचण्डले सोही कारणनै आफु कीर्तिपुर क्षेत्रको उम्मेदवार बनेको बताउनुभयो । उहाले आफुले निर्वाचनमा भोट नमाग्ने तर आफ्नो पार्टीले नेतृत्व सम्हाल्न पाउनुपर्ने भनि आव्हान मात्र गर्ने समेत बताउनुभयो ।