कांग्रेसको विडम्बना : ध्यानगोविन्द प्रत्यक्षमा गगन समानुपातिक

जहांवाट उठे पनि म प्रचण्डलाइ हराउनसक्छु भन्ने हुंकार दिने कांग्रेसका युवा नेता गगन थापा आखिर कसैसंग चुनाव भिड्न पाएनन । उनी त कांग्रेसको समानुपातिक कोटाको ७१ नम्बरमा परेछन । जसले प्रचण्डसंग चुनाव भिड्ने उनको महत्वकांक्षा तत्कालका लागि टरेको छ ।थापाले दिने गरेको हुंकार वास्तवीक भन्दापनि सांकेतिक थियो । अर्थात उनले प्रचण्डलाइ संकेतको रुपमा प्रयोग गरेर आफ्नो लोकपि्रयताको पुष्टी गर्ने प्रयास गरेका हुन । जसलाइ हैन हावा बोल्यो भनेर कमेन्ट गरिहाल्ने कमै आलोचक भेटिन्छन ।क्षेत्रको हिसावले गगन काठमाडौं क्षेत्र नम्बर सातका वासि हुन । तर, उनी काठमाडौंको चौधेरा मात्र हैन,नेपालको सिमानानै पार गरिसकेको छ । गैर आवासिय नेपालीका माझ पनि गगन निक्कै लोकपि्रय छन भन्ने सुनिएको हो । उनको क्षमता भनेको काठमाडौंको १० वटा क्षेत्रमध्ये जुनसुकै क्षेत्रमा पनि विजयको झण्डा गाड्ने हो । तर,विडम्बना यस्ता होनाहार युवा नेता आखिर आरक्षणको कोटामा पारिए । यो पक्कै पनि उनको रहर हैन नै कांग्रेस नेतृत्वले देखाएको दादागिरी मात्र हो ।अर्का पात्र छन, जसको राजनीतिक यात्राको गणना गर्ने हो भने निक्कै लामो छ । पन्चायति शासनकालदेखी नै राजनीति गरेका हुन । तर, उनी आफ्नै क्षेत्रमा समेत परिचयको अभावमा हुर्किएका हुन । उनी हुन काठमाडौं सात नम्बरका ध्यानगोविन्द । उनी भने प्रत्यक्षको कोटामा परे । उनको क्षमता भनेको हार नै हो । जीत उनको पोल्टामा पर्ने देखिंदैन । अनी ध्यानगोविन्दका लागि पनि यो रहर पक्कै हैन बाध्यता नै हो ।यही दुइ उदाहरणवाट देखिन्छ, कांग्रेस नेतृत्व आखिरमा कत्तिको हचुवाको भरमा चलेको पार्टी हो भन्ने । एक निश्चित विजयी हुने उम्मेदवारलाइ लगेर समानुपातिकमा हाल्छ अनी निश्चित पराजय हुने उम्मेदवारलाइ प्रत्यक्ष चुनावमा होम्छ ।त्यसमा पनि गगनलाइ समानुपातिकवाट शुरक्षित गराएर संसदमा संविधान बनाउनका लागि पार्टीले रोजेको हैन । केवल स्थान दियौं है भन्नका लागि मात्र हो गगन समानुपातिकमा परेका । कारण ? गगनको स्थान छ पुरुषतिर ७१ औं ।दलित, महिला, जनजाति, पिछडिएको वर्ग, र्दुगम आदीको कोटा सकिएपछि बल्ल गगन लगायतकाहरुको कोटा शुरु हुन्छ । उनीसंगै समानुपातिकमा छन गिरीजाप्रसाद कोइराला,बलदेव शर्मा मजगैंया,सुनिलकुमार भण्डारी, मनमोहन भट्टराई लगायतका वरिष्ठ बाहुन नेताहरु । भनेपछि सहजै भन्न सकिन्छ गगनको पालो आउने गरी कांग्रेसले भोट ल्याउन त सक्दैन । त्यसैले पार्टी नेतृत्वले अपगालवाट जोगिन मात्र गगनलाइ समानुपातिकमा हालेको देखिन्छ । जुन युवा वर्गको लागि विडम्बना हो ।