चुनाबपछि राजनीतिबाट बिश्राम लिन्छुः कोइराला

१२ मार्च, ०८ । प्रधानमन्त्री एवं नेपाली कांग्रेसका सभापति गिरिजाप्रसाद कोइरालाले संविधानसभाको निर्वाचनपछि राजनीतिबाट बिश्राम लिने वताउनुभएको छ । गृहनगर बिराटनगर पुग्नु भएका कोइरालाल मंगलबार राजधानी फर्कने क्रममा बिराटनगर बिमानस्थलमा पत्रकारहरुसग कुरा गर्दै आफु बुढो हुदै गएकोले निर्वाचनपछि सरकार छाडने र पार्टी नेतृत्व पनि नया पुस्तालाइ हस्ताण्तरण गर्ने वताउनुभएको हो ।उहाले सरकारले युद्ध नगरेकोले शान्ति बार्ताको लागि युद्धविराम गरिरहनु नपर्ने जिकिर गर्नुभएको छ । तराइका सशस्त्र संगठनले वार्ताको लागि युद्धविरामको कुरा उठाइरहेको वेला प्रधानमन्त्री कोइरालाले शान्तिपूर्बक बिना शर्त बार्तामा आउन सशस्त्र संगठनहरुलाइ आग्रह गर्नुभयो । कोइराला ४ दिने गृहनगर बासाइपछि मंगलबार राजधानी फर्कनु भएको छ ।