हत्याराको नाम भन्नासाथ मरे उम्मेदवार

'सिकन्दर खाँ, भुल्लन केबट, होली केबट र अशोक बर्माले मलाई गोली हानेका हुन्,� अस्पतालको शय्याबाट बाँकेका सिडिओ नरेन्द्रराज शर्मालाई यति भनेको केहीबेरमै कमल अधिकारीले संसार छोडे ।
उनले नाम लिएका व्यक्तिहरू जनतान्त्रिक तराई मुक्ति मोर्चा (ज्वालासिंह) का कार्यकर्ता हुन् । राष्ट्रिय जनमोर्चाबाट बाँके क्षेत्र नं. २ का उम्मेदवार अधिकारीको हत्यामा सो समूहले जिम्मेवारी लिइसकेको छ । बाँकेको बेतहनी गाविस निवासी अधिकारीलाई अनुहारमा नकाब लगाएका चार-पाँचजनाको समूहले मंगलबार मध्यरातमा घरभित्रै गोली हानेको थियो । चार गोली लागेका अधिकारीको नेपालगन्जस्थित भेरी अञ्चल अस्पतालमा उपचार गर्दागर्दै बुधबार बिहान साढे पाँच बजे मृत्यु भएको हो ।