शीर्ष नेतालाई जिताउन तालमेल हुने: प्रधानमन्त्री कोईराला

प्रधानमन्त्री गिरिजाप्रसाद कोइरालाले संविधानसभा निर्वाचनमा शीर्ष नेताहरूलाई जिताउन तालमेल गर्न कांग्रेस तयार रहेको बताउनु भएको छ ।

अहिलेको अवस्था दलहरूले मिलेर जानुपर्ने भएकाले तालमेलका लागि सबै पक्षसँग छलफल गर्ने बताउनु भएको छ । नेकपा माओवादीका अध्यक्ष प्रचण्डसँग आइतबार बिहान भएको भेटमा प्रधानमन्त्री कोइरालाले चुनावी वातावरणका लागि वाईसीएलका गतिविधि रोक्न आग्रह गर्नुभयो । वाईसीएलका गतिविधिबाट सबै दलहरू सशंकित रहेकोले शान्तिपूर्ण रूपमा चुनाव हुनेमा शंका व्यक्त गर्नुभएको थियो ।