प्रहरीलाई १५ दिने तालिम दिई निर्वाचनसम्म रु. १० हजार तलब सुविधा

कास्की, २२ फागुन । संविधानसभा निर्वाचनको सुरक्षाका लागि म्यादी प्रहरीमा माग अनुसारको आवेदन नपरेपछि जिल्ला प्रहरी कार्यालय, कास्कीले एक हप्त्ाका लागि म्याद थप गरेको छ । दुई पटक सूचना निकालेपछि अहिले कास्कीमा म्यादी प्रहरी आवेदन दिनेको सङ्ख्या ५७ महिलासहित ७५४ पुगेको छ । नेपालभरि चाहिने म्यादी प्रहरी सङ्ख्यामा आवेदन थोरै परेपछि प्रहरी प्रधान कार्यालयको निर्देशनबमोजिम कास्कीमा म्याद थप गरिएको हो । छनोट भएका म्यादी प्रहरीलाई १५ दिने तालिम दिई निर्वाचनसम्म रु. १० हजार तलब सुविधा दिएर परिचालन गरिनेछ ।