'हामी भ्रष्टाचार र सत्ता दुरुपयोग गर्दैनौ'-डा भट्टर्राई

पोखरा,१३ चैत/'हामी भ्रष्टाचार गदैर्नौ । राज्यसत्ता दुरुपयोग गर्दैनौं ।' नेकपा माओवादीका बरिष्ट नेता डा बावुराम भट्टर्राईले पर्यटकीय पोखराको लेकसाइडमा चुनावी सभालाई सम्बोधन गर्दै भन्नुभयो-'नयाँ नेपाल निर्माणको लागि नयाँ नेतृत्व चाहिन्छ ।'कास्की क्षेत्र नं ३ को चुनावी सभामा सम्बोधन गर्न पोखरा आउनुभएका नेता भट्टर्राईले अन्य राजनीतिक दलहरुले पटक पटक राज्य सत्ता सञ्चालन गरेपनि व्यापक भ्रष्टाचार र राज्य सत्ता दुरुपयोग गरेकेले अब नयाँ शक्तिलाई सत्तामा पुर्‍याउनुपर्ने बताउनुभयो । आउँदो २८ गते हुने संविधान सभाको निर्वाचनलाई संसदको चुनावको रुपमा नहेन जनतालाई आग्रह गर्दै उहाँले संविधान बनाउने निर्वाचनमा सक्षम नेतृत्वलाई जिम्मा दिनुपर्नेमा जोडदिनुभयो । 'तपाईहरुले पटक पटक सबै दलहरुलाई हेरिसक्नुभयो ।' उहाँले भन्नुभयो-'अब हामीलाई हेर्नुहोस ।''नयाँ नेपालको स्पष्ट खाका कोर्न नयाँ शक्तिको रुपमा माओवादी देखिएको छ ।' उहाँले भन्नुभयो-'त्यसैले अब एकपटक माओवादीलाई सत्ता चलाउने अवसर प्रदान गर्नुहोस ।' उहाँले राष्ट्रिय सम्पदा सरंक्षण र पोखरालाई पर्यटकीय गन्तव्यस्थल बनाउन माओवादीले आफनो स्पष्ट धारणा अघिसारेको जानकारी दिनुभयो । 'पोखरालाई अन्तराष्ट्रिय पर्यटकीय गन्तव्य बनाउन रेल मार्ग र हवाई अडड्ा बन्नर्ुपर्छ । जुन माओवादीको योजनामा स्पष्ट छ ।' नेता भट्टर्राईले भन्नुभयो-'दशवर्षभत्रमा रोजगारी समस्या समाधान र आर्थिक बिकासले नेपाललाई समृद्ध बनाउने छौं ।' उहाँले विभिन्न पक्षबाट राष्ट्रियता माथि पुर्‍याएको आँचप्रति जनतालाई गम्भीर हुन आग्रह गर्दै आगामी संविधान सभाले सक्षम र नयाँ नेतृत्व नपाए झनै खतरा हुने दावी गर्नुभयो । नेता भट्टर्राईले राष्ट्रियतामाथि विदेशी हस्तक्षेप र अतिक्रमण रोक्न विगतमा अन्य राजनीतिक दलहरु सक्षम नभएको भन्दै विदेशी हस्तक्षेप र राजतन्त्र माओवादीलाई स्वीकार्य नहुने बताउनुभयो । सभामा नेकपा माओवादीका केन्द्रीय सदस्य तथा विधायक दिननाथ शर्माले नयाँ नेपाल निर्माणको लागि आफनो पार्टी जित्नैपर्ने दावी गर्नुभयो । कास्की क्षेत्र नं ३ का उम्मेदवार झलकपाणि तिवारीले मुलुकभर देखिएको जनलहरले निर्वाचन माओवादीका पक्षमा रहेको ठोकुवा गर्नुभयो । कार्यक्रममा विभिन्न पार्टीआवद्ध र्सवसाधारणहरु माओवादीमा प्रवेश गरेका थिए । उनीहरुलाई डा भट्टर्राई तथा शर्माले टिका लगाई स्वागत गर्नुभएको थियो ।