थप १६ दलद्वारा आयोगमा वन्दसूची पेश

२ मार्च, ०८ । यसअघि छुटेका राजनीतिक दलहरुले संविधानसभा चुनावका लागि समानुपतिक निर्वाचन प्रणालीतर्फ उम्मेदवारहरुको वन्दसूची आज निर्वाचन आयोगमा पेश गरेका छन् ।दुईपटक थपिएको समयमा पनि दर्ता नगरेका र वहिष्कारको चेतावनी दिएका सहित १६ दलहरुले निर्वाचन आयोगमा वन्दसूची वुझाएका हुन् ।आयोगले जानकारी गराएअनुसार आज राष्ट्रिय जनशक्ति पार्टी, मधेशवादी दलहरु क्रमश: तराई मधेश लोकतान्त्रिक पार्टी मधेशी जनअधिकार फोरम, राजेन्द्र महतोको सदभावना पार्टी साम्यवादी दल, नेपाल जनता पार्टी, राष्ट्रिय एकता पार्टी, रामराजाप्रसाद सिंहको नवजनवादी मोर्चा, नेपाली राष्ट्रिय जनभावना पार्टी, संघिय लोकतान्त्रिक राष्ट्रिय मंच, राष्ट्रिय युवा मोर्चा, राष्ट्रिय जनता दल, नेपाल विकास पार्टी, राष्ट्रिय एकता पार्टी लगायतले वन्दसूची वुझाएका हुन ।तराई मधेश लोकतान्त्रिक पार्टीले १ सय जना, मधेशी जनअधिकार फोरमले २ सय १ जना र राजेन्द्र महतोको सदभावना पार्टीले १ सय जनाको वन्दसूची पेश गरेको छ । त्यस्तै यसअघि निर्वाचन वहिष्कार गर्ने धम्कि दिएको राष्ट्रिय जनशक्ति पार्टिले पनि उम्मेदवारको वन्द सूची वुझाएको छ । सूचीमा सहअध्यक्ष प्रकाशचन्द्र लोहनी सहित २९९ जना उम्मेदवार रहेका छन् ।