संविधानसभा चुनावका लागि भोट माग्न भ्वाइस मेल

नजिकिँदै गएको संविधानसभा चुनावका लागि सूचनाप्रविधिको उपयोगले समेत सहयोग पुर्žयाएको छ । राजधानी काठमाडौंको क्षेत्र नं. १ मा विद्युतीय मतदान हुने निर्वाचन आयोगले जानकारी दिएको छ । राजधानी बाहिरका लागि चुनाव प्रचारमा नेपाल टेलिकमको सिडीएमए फोनबाट निःशुल्करुपमा प्रदान गरिएको भ्वाइसमेलले चुनाव प्रचारका लागि सहयोग पुर्žयाएको छ । दलका नेता तथा कार्यकर्ताहरुले चुनाव प्रचारसँगै भ्वाइसमेल मार्फत भोट मागिरहेका छन् । कविता, गीत तथा विभिन्न सन्देशको रुपमा एक-अर्कामा भ्वाइस मेल पठाउनेहरुको ताँती लागेको छ । जसका कारण चुनावप्रति मानिसको चासो बढ्नुका साथै चुनावी माहोल बढेको सुकुमका कृष्णप्रसाद तिमल्सिनताले वताए । यसैगरी एसएमएसबाट समेत भोट माग्ने कार्य पनि वढेको छ । तर, केही दलले भने अर्को दललाई होच्याएर भ्वाइसमेलको उपयोग गरिएको पनि पाइएको छ । उनीहरुको सन्देशमा आफ्नो दलमात्र राम्रो भएको भन्दै अन्य दललाई गाली गरेको पाइएको छ । यस्तो कार्यमा भने नियन्त्रण गर्नुपर्ने प्रयोगकर्ताहरु वताउँछन्