बन्दुकसहित ६ जना पक्राउ

१८ मार्च, ०८ । दाङको धर्ना गाविस सिँघुरेबाट प्रहरीले गएराति नौवटा भरुवा बन्दुकसहित ६ जनालाई पक्राउ गरेको छ ।पक्राउ पर्नेमा धर्ना-१ का बाबुराम केसी, मोहन डाँगी, धर्म थापा, घनश्याम विक, यज्ञबहादुर डाँगी र केशश डाँगी रहेका छन् । आइतबार राति लमही-घोराही सडकखण्डमा भएको यात्रुवाहक बस लुटपाटको घटनापछि र्सच अभियानमा रहेको प्रहरी टोलीले उनीहरूलाई पक्राउ गरेको जिल्ला प्रहरी कार्यालय दाङले जनाएको छ । लमही-घोराही सडकखण्ड अर्न्तर्गत पर्ने मसोटखोलामा आइतबार राति तीन गाडीमा तीन लाख ६० हजार छ सय ४५ रुपियाँबराबरको धनमाल लुटपाट भएको थियो । खुकुरीसहित सैनिक पोशाकमा आएका २०-२५ जनाको समूहले राति करिब २ बजेतिर काठमाडौँबाट घोराहीतर्फगुडिरहेको ना २ ख २७५५ नम्बरको बस , नारायणघाटबाट दाङको तुलसीपुर्रतर्फ आउँदै गरेका बा १ च ४०४७ र बा १ क ८३३९ नम्बरका दुइवटा मिनिट्रकमा लुटपाट गरेको थियो ।