एमालेमा ओइरो,माओवादीमा पहिरो

प्रचण्ड र डा बाबुराम भट्टराइमा विचलन आएको भन्दै पार्टी शुद्धिकरणमा लाग्दा पार्टी नेतृत्ववाट अपमानीत रुपमा निस्कासनमा परेका माओवादी पोलिट्व्युरो सदस्य रविन्द्र श्रेष्ठ आखिरमा एमालेमा प्रवेश गरेका छन । उनीसंगै अर्का मणि थापा समेत एमालेमा समाहित हुने चर्चा चलेको धेरै भयो । तर बुधवार श्रेष्ठ एक्लै एमालेका प्रवेश गरे केन्द्रिय सदस्यको रुपमा ।श्रेष्ठले २९ फागुन २०६२ माओवादी परित्याग गरेर नयां सांस्कृतिक समुह बनाएका थिए । बाबुराम र प्रचण्ड भारतपरस्त भएकाले पार्टीविच सुद्धिकरण गर्नुपर्छ भन्दै श्रेष्ठले माओवादी नेतृत्वको आलोचना गर्दै आएका थिए ।साच्चिकै माओवादीको आन्तरिक क्षमता सहित सटिक रुपमा विश्लेशण गर्नेहरुमा श्रेष्ठ अगाडि नै रहेका थिए । अनी माओवादी नेतृत्वलाइ पनि हम्मे हम्मे नै देखिएको थियो उनको तर्क काट्न ।उनी स्वतन्त्र बसेरै माओवादी नेतृत्वलाइ आच्छुआच्छु पारेका थिए भने अब त एमालेजस्तो पार्टी पाएपछि के चाहियो र । एमाले र माओवादीविच वाकयुद्ध चरम अवस्थामा पुगेको बेलामा श्रेष्ठको एमाले प्रवेशले माओवादीमा सानोतिनो भुइचालो पक्कै गएको छ नै ।त्यसमा पनि एमालेले श्रेष्ठलाई चुनावमा प्रयोग गर्ने हो भने माओवादी नेतृत्वलाइ अप्ठ्यारो पर्ने निश्चित छ । काठमाडौं क्षेत्र नम्बर एकका स्थानीय श्रेष्ठको एमाले प्रवेशले प्रदिप नेपालले केही राहत पाएका छन । तर माओवादीको टाउको दुखाइ भने बढेको छ । जे आजको दिन एमालेमा ओइरो माओवादीमा पहिरो सावित बन्नपुग्यो ।